2022 йил 4 августдан Uzbekistan Airways Ўзбекистон ва Япония ўртасида мунтазам авиақатновларни йўлга қўяди. Бу ҳақда миллий авиакомпания матбуот хизмати хабар бермоқда.
Маълум қилинишича, рамзи Сакура ҳисобланган мамлакатга ҳафтада бир марта – пайшанба кунлари саёҳат қилиш мумкин бўлади.
Тошкентдан жўнаш: 22:05 (Тошкент вақти билан);
Токиога етиб бориш: маҳаллий вақт билан жума 09:40;
Токиодан жўнаш: 11:00 (маҳаллий вақт);
Тошкентга етиб келиш: 16:10 (Тошкент вақти билан).
Маълумот учун: Uzbekistan Airways 2020 йил 1 мартдан бошлаб дунёда коронавирус тарқалиши сабабли Токиога мунтазам қатновларни тўхтатган эди.
