Яккабоғ туман ИИБ бошлиғи биринчи ўринбосари қўл остидаги ходимга қўпол муносабатда бўлгани акс этган видео тарқалмоқда.
Ҳолат юзасидан Қашқадарё вилояти ИИБ матбуот хизмати изоҳ берди. Маълум қилинишича, видеотасвирдаги ҳолатда жорий йилнинг 17 ноябрь куни Яккабоғ туманида содир бўлган ЙТҲни суриштирув ишлари жараёнида содир бўлган.
1987 йилда туғилган фуқаро Ш.М. бошқарувидаги “Lacetti” русумли 70U102UA бўлган транспорт воситаси билан 1975 йилда туғилган фуқаро О.Л.ни уриб юбориб ЙТҲ содир этган. Унда жабрланувчини туман тиббиёт бирлашмасига олиб келингандан сўнг шу ерда автомашинани кўздан кечириш учун мутахассислар жалб қилингунга қадар қўриқловга олиш учун туман ИИБ бошлиғи 1-ўринбосари подполковник А.Янгиев туман ИИБ ҲПБ профилактика инспектори капитан Н.Самандаровга топшириқ бераётганида профилактика инспектори раҳбари билан гап тортишган.
Ҳозирда ҳолат юзасидан вилоят ИИБ томонидан хизмат текшируви ўтказилмоқда, дейилади хабарда.
