Ашхобод шаҳрида Ўзбекистон Президенти администрацияси раҳбари Саида Мирзиёева ғамхўрликка муҳтож болаларга ёрдам кўрсатиш хайрия жамғармаси вице-президенти Огулжахон Атабаева ҳамда Ҳайдар Алиев жамғармаси вице-президенти Лайло Алиева билан учрашди.
"Мулоқотларимиз яхши анъанага айланиб қолди. Ҳар сафар фикр алмашганимизда умумий ғояларимиз бойиб, ҳамкорликда янгидан-янги лойиҳалар юзага келмоқда", — деб ёзди Саида Мирзиёева.
У Ўзбекистон, Туркманистон ва Озарбайжонни кўп асрлик дўстлик, ўзаро ишонч ва муштарак қадриятлар боғлаб туришини таъкидлади. Шунингдек, учрашувлар келгусида ҳам эзгу ишларга хизмат қилиб, мамлакатларни янада яқинлаштиришига умид билдирди.
