Yandex.ru қидирув тизимининг об-ҳаво бўлимида бугун, 24 январь куни Ўзбекистонда ўта иссиқ об-ҳаво кузатилиши ҳақидаги маълумот пайдо бўлди.
Яндекснинг маълумот беришича, бугун соат 9:30 да Тошкентда +15 даража иссиқ кузатилган, кундузи эса ҳаво ҳарорати +22 даражагача кўтарилади. Кейинги кунларда эса ҳаво ҳарорати +25 даражагача иссиқ бўлади.
Об-ҳаво ҳақида маълумот берувчи яна бир оммабоп сайт Gismeteo`даги маълумотлар эса Ўзгидромет маълумотлари билан бир хил: Бугун соат 9:00 да Тошкентда ҳаво ҳарорати нол даражани ташкил этган, кундузи эса ҳарорат +3˚С иссиқ бўлиши кутилмоқда.
Маълумотларга кўра, Яндекснинг об-ҳаво бўлимида дунёдаги 1600 та шаҳарда кузатилаётган об-ҳаво ҳақидаги маълумотлар бериб борилади.
