Yandex.ru qidiruv tizimining ob-havo bo`limida bugun, 24 yanvar kuni O`zbekistonda o`ta issiq ob-havo kuzatilishi haqidagi ma`lumot paydo bo`ldi.
Yandeksning ma`lumot berishicha, bugun soat 9:30 da Toshkentda +15 daraja issiq kuzatilgan, kunduzi esa havo harorati +22 darajagacha ko`tariladi. Keyingi kunlarda esa havo harorati +25 darajagacha issiq bo`ladi.
Ob-havo haqida ma`lumot beruvchi yana bir ommabop sayt Gismeteo`dagi ma`lumotlar esa O`zgidromet ma`lumotlari bilan bir xil: Bugun soat 9:00 da Toshkentda havo harorati nol darajani tashkil etgan, kunduzi esa harorat +3˚S issiq bo`lishi kutilmoqda.
Ma`lumotlarga ko`ra, Yandeksning ob-havo bo`limida dunyodagi 1600 ta shaharda kuzatilayotgan ob-havo haqidagi ma`lumotlar berib boriladi.
