Қандли диабет касалига чалинган беморларнинг умрини узайтирувчи инсулин канадалик физиолог Фредерик Бантинг томонидан яратилган. Ўша пайтда инсулиннинг қандли диабет касалига чалинган беморга таъсири ўрганилган бўлса-да, айнан бу дорини яратиш ҳеч кимнинг қўлидан келмаган. Жаноб Бантинг инсулиннинг ошқозон ости бези билан алоқаси тўғрисидаги мақолани ўқиб чиққандан кейин ихтиро ҳақида кўп бош қотиради.
У итлар билан тадқиқот ўтказаётганини тушида кўради. Тушида ҳайвоннинг ошқозон ости безини боғлаб қўяди, орадан саккиз ҳафта ўтгач, бу аъзони олиб ташлайди. 1921 йилда у тушини амалга оширади. Бошқа итдан олинган ошқозон ости бези зардобини касал итга қўйганда, у тузалиб кетади. Шундай қилиб, қандли диабетнинг дориси топилади.
