Саида Мирзиёева АҚШ Халқаро молиявий тараққиёт корпорацияси (DFC) бош директори Бен Блек билан учрашув ўтказди.
Маълум қилинишича, мулоқот давомида йирик лойиҳалар портфели муҳокама қилинди. DFC Ўзбекистонга америкалик сармоядорларни жалб этишга кўмаклашади ҳамда инвестициявий хатарларнинг бир қисмини ўз зиммасига олади.
Шунингдек, 2026 йилда қўшма инвестиция платформасини ишга тушириш ҳам режалаштирилган.
6 апрель куни Вашингтонда Америка—Ўзбекистон ишбилармонлик ва инвестиция кенгаши расман иш бошлади. Ушбу кенгаш ҳамраислари Саида Мирзиёева ва Сержио Гор ўзаро англашув меморандумини имзолади.
Саида Мирзиёева Вашингтонда Америка—Ўзбекистон ишбилармонлик ва инвестиция кенгаши очилишида сўзлаган нутқида икки мамлакат ўртасидаги ҳамкорлик янги босқичга чиққанини айтди.
7 апрелда Саида Мирзиёева Вашингтонда АҚШ давлат котиби Марко Рубио билан бизнес-нонушта форматида учрашув ўтказди.
