АҚШ Президенти Дональд Трамп Эрон билан тузилаётган келишув жараёни иккинчи босқичга ўтганини маълум қилди. Бу ҳақда у Қатар Амири билан учрашув чоғида журналистлар билан мулоқотда айтди.
“Бизда Эрон билан келишув бор. У муваффақиятли бўлиши керак”, деди Трамп.
Унинг сўзларига кўра, келишувни имзолашнинг кейинги босқичи нисбатан осон кечиши кутилмоқда.
Шунингдек, Трамп АҚШ Эронни тиклаш учун 300 миллиард доллар ажратиши ҳақида тарқалган маълумотларни яна бир бор рад этди. У Вашингтон Эрон инфратузилмасига маблағ киритиш бўйича ҳеч қандай мажбурият олмаганини таъкидлади.
Маълум қилинишича, томонлар 19 июнь куни Швейцарияда якуний келишувни имзолаши кутилмоқда. Шундан сўнг Теҳрон ва Вашингтон ўртасида қолган баҳсли масалалар бўйича 60 кунлик музокаралар жараёни бошланади.
Қайд этилишича, келишувнинг электрон версияси томонлар томонидан бир кун аввал имзоланган.
