Президент тайинлаган ёш ҳоким коронавирус шифокорлари учун янги ташаббусни бошлади

Март-апрел ойларидаги карантин даврида Сурхондарё вилояти Қумқўрғон туманида яшовчи ижтимоий оғир аҳволдаги аҳолига болали сигир тарқатиш ташаббуси билан таниш бўлган республикамиздаги энг ёш ҳокимлардан бири Рахматулла Гаппаровнинг бу галги яна бир ташаббуси коронавирус шифокорларини хурсанд қилиш бўлди. Аср қахрамонларига тенглаштирилаётган шифокорларнинг айни пайтдаги меҳнати ва шу билан бирга машаққати ҳақиқатдан таҳсинга сазовордир. Туман ҳокими Рахматулла Гаппаров юқумли касаликлар шифохонасида коронавирус инфекцияси билан касалланишда гумон қилинаётган, стационар шароитдаги беморларни даволашда иштирок этган бир гуруҳ шифокорларни рағбатлантирди.

 “Ёнгинамизда жуда хавфли, жиловлашнинг имкони бўлмаган бир аёвсиз душман ўз кучини кўрсатяпти. Шифокор сифатида беморлар билан ишлаш жараёнида энг муҳими уларнинг соғлиги туради. Аммо тан олиб айтишимиз керак, биз бу душман билан курашда, албатта, ўз ҳаётимиздан кўра, ортимизда турган фарзандларимиз, оиламиз борлигини ҳис қилиб, қалбимизда қандайдир хавотир, ҳадик бор бўлишига қарамасдан, ўз вазифамизга садоқат билан ҳизмат қилишни бурчимиз деб биламиз. Шифокорлар меҳнатига алоҳида эътибор қаратаётгани бизга янада куч бағишлайди”, – дея Қумқўрғон тумани Тиббиёт бирлашмасига қарашли Юқумли касаликлар шифохонаси инфекционист шифокори Намоз Қўлдошев ўз миннатдорчилигини билдирди.

Сардорбек Раҳмонқулов, Нигора Жумаева ва Низомжон Тошпўлатовлар тайёрлади

Мавзуга оид:

41 йил ҳатто светофори бўлмаган туманда энди ҳатто туристик ҳудудлар бўлади (фотосаёҳат)