Apple kompaniyasi Apple Watch smart soatlarining yangi avlodini 2016 yilning martida sotuvga chiqarishni rejalashtirmoqda. Bu haqda “Lenta.ru” xabar bermoqda.
Yangi avlod soatlari ularning birinchi avlodi sotuvga chiqarilganidan roppa-rosa bir yil o`tib sotuvga chiqarilayotgani ta`kidlanmoqda.
Ma`lumotlarga ko`ra, Apple kompaniyasi iPhone 6s smartfonining to`rt dyuymli displey bilan ta`minlangan talqinini ham taqdim etishni rejalashtirmoqda. Yangi smartfon texnik jihatlari bilan iPhone 5s va iPhone 6s`ga o`xshaydi. Gadjet iPhone 6s`da qo`llaniladigan A9 prosessori bilan ishlab chiqarilishi taxmin qilinmoqda.
