Apple компанияси Apple Watch смарт соатларининг янги авлодини 2016 йилнинг мартида сотувга чиқаришни режалаштирмоқда. Бу ҳақда “Lenta.ru” хабар бермоқда.
Янги авлод соатлари уларнинг биринчи авлоди сотувга чиқарилганидан роппа-роса бир йил ўтиб сотувга чиқарилаётгани таъкидланмоқда.
Маълумотларга кўра, Apple компанияси iPhone 6с смартфонининг тўрт дюймли дисплей билан таъминланган талқинини ҳам тақдим этишни режалаштирмоқда. Янги смартфон техник жиҳатлари билан iPhone 5s ва iPhone 6s`га ўхшайди. Гаджет iPhone 6s`да қўлланиладиган А9 процессори билан ишлаб чиқарилиши тахмин қилинмоқда.
