Bu haqda AOKAda bo`lib o`tgan brifingda Koronavirusga qarshi kurashish shtabi a`zosi Shuhrat Boymurodov ma`lum qildi.
«Menda isitma va qorinda og`riq bor — bu koronavirus alomati bo`lishi mumkinmi?» degan savolga mutaxassis quyidagicha javob bergan:
"Sog`liqni saqlash vazirligini 6-bayonnomasida koronavirusning 12 dan ortiq turi haqida yozilgan. Shunga ko`ra, ushbu alomatlar — koronavirusning oshqozon-ichak shakli bo`lishi mumkin.
Hududingizdagi oilaviy shifokorga murojaat qiling, tekshirib, keyin nima qilish kerakligini tushuntiradi".