«Eshitishimcha, ayrim mahsulotlarning narxlari faqat davlat tomonidan nazorat qilinar ekan. Bu qanday mahsulotlar?”
X.G`aniev, Chirchiq shahri
Moliya vazirligi boshqarma boshlig`i o`rinbosari Hamza TUXSANOV javob beradi:
-O`zbekiston Respublikasi Vazirlar Mahkamasining 2010 yil 28 oktyabridagi “Tovarlar (ishlar, xizmatlar)ga tartibga solinadigan narxlar (tariflar)ni deklarasiya qilish (tasdiqlash) va belgilash tartibini yanada takomillashtirish chora-tadbirlari to`g`risida”gi qaroriga asosan, O`zbekistn Respublikasi Moliya vazirligi narxlarni nazorat qiluvchi asosiy davlat organi sanaladi. Ushbu hujjatga asosan, davlat nazoratiga ayrim tovarlar va xizmatlar ro`yxati kiritiladi. O`zbekiston Respublikasi Moliya vazirligi narxlarni nazorat qiluvchi asosiy davlat organi sanaladi. Ushbu hujjatga asosan, davlat nazoratiga ayrim tovarlar va xizmatlar ro`yxati kiritiladi. Jumladan, bozordagi etakchi mavqe kasb etuvchi, davlat reestriga kiritilgan ishlab chiqarish korxonalari va tabiiy monopoliya sub`ektlari tarafidan ishlab chiqarilayotgan mahsulotlar (xizmatlar)ni aytish mumkin. Masalan, Moliya vazirligi bilan kelishilgan holda joylarda davlat boshqaruvi va davlat hokimiyati organlari vakolati doirasida alohida mahsulotlarga qo`yilgan narxlar (masalan, un), alohida tovarlar uchun belgilangan va cheklangan narxlar, hukumat qarorlari bilan belgilangan narxlar: masalan, avtobenzin, dizel yoqilg`isi, alkogol mahsulotlaining minimal qiymati (pivodan tashqari)bunga misol bo`la oladi.
Bu ro`yxatga kirmagan boshqa mahsulotlar va xizmatlar narxi erkin belgilanadi.