BMT Bosh Assambleyasining 2008 yil 11 dekabrdagi 63-sessiyasida qabul qilingan A/RES/63/139 sonli rezolyusiyasiga asosan 19 avgust Xalqaro insonparvarlik yordami kuni (World Humanitarian Day) deb e`lon qilingan.
2003 yil 19 avgust kuni BMTning Bag`dod shahridagi vakolatxonasida yuz bergan terrorchilik harakati natijasida 22 nafar inson hayotdan ko`z yumgan, ular orasida tashkilotning taniqli vakili Serjiu Vieyra di Mellu ham bor edi.
Ushbu kunda o`z insonparvarlik burchini bajarish yo`lida jonini fido qilganlar, millionlab insonlarga insonparvarlik yordami ko`rsatayotganlar e`tirof etiladi.
Shuningdek, ushbu kun dunyo bo`ylab ko`plab odamlarda insonparvarlik yordamiga doimiy ehtiyoj borligini va bu borada xalqaro hamkorlik qilish muhimligini eslatib turadi.
