Gresiyaning Lesvos orolidagi eng katta Moriya muhojir va qochqinlar lageri butunlay yonib ketdi.
ERT telekanali xabariga ko`ra, 12,8 ming kishi yashab kelayotgan lagerdagi yong`in COVID-19 bilan bog`liq 35 ta yuqtirish holati aniqlangandan ko`p o`tmay sodir bo`lgan.
Qayd etilishicha, qochqinlar va muhojirlar atrofdagi pana joylar hamda tog`lardan panoh topishga muvaffaq bo`lishgan. Aksariyati esa shahar tomon yo`l olishgan.
Mamlakat yong`in xizmati ma`lumotlariga qaraganda, lager atrofida va uning hududida paydo bo`lgan o`nga yaqin yong`inlarni o`chirishga polisiya yordami bilan birgalikda 25 ta o`t o`chiruvchi va 10 ta texnika jalb qilingan.
