Koronavirus odatiy grippga o`xshab mavsumiy kasallikka aylanish ehtimoli qanchalik to`g`ri? Bu savolga Shtab a`zosi Nurmat Otabekov javob berdi. Bunday holat bo`lishi mumkin, lekin ehtimoli haqida hozircha aniq gap aytish mushkul. Balki koronavirus haqiqatan odatiy infeksiyaga aylanib, bir odamdan boshqasiga doimiy yuqib boradi. Ehtimol, uni to`liq barataraf etish uddasidan chiqilar. Turli koronaviruslar "tarixi" ikkala natijaning ham ehtimolini ko`rsatadi. Ayni paytda esa ubu savolga javob — vaksinalarning qay darajada samarodor ekaniga bog`liq. Bir tarafdan "atipik pnevmoniya" epidemiyasini etarlicha tezkorlik bilan bartaraf etishga erishildi. Boshqa tomondan — inson populyasiyasida naq to`rt turdagi koronavirus (HCoV-229E, NL63, OC43 va HKU1) mavjud bo`lib, ular biz bilan uzoq vaqtlardan beri birga. Yangi koronavirus kabi ular ham qachonlardir jonivorlar organizmidan inson tanasiga o`tgan. Bu XIX asrda sodir bo`lib, ushbu viruslarning donorlari ko`rshapalaklar, sigir va tuyalar bo`lgan, deya taxmin qilinadi. Ilk zararlanish chog`larida bu viruslar ham hozirgi koronavirusdan qolishmaydigan asoratlarga olib kelgan bo`lishi mumkin. Shunchaki, biz bundan o`sha davr tibbiy qaydnomalari yo`qligi sabab bexabarmiz. Umr ko`rish davomiyligi ham o`tgan davrlarda hozirgidan ancha farq qilgan. Avvalgi koronaviruslar bilan qanday o`zgarishlar yuz bergan bo`lsa, yangilari bilan ham yuz berishi mumkin. | |
06.10.2020 19:52
2065
Koronavirus mavsumiy kasallikka aylanishi mumkinmi?
!['Koronavirus mavsumiy kasallikka aylanishi mumkinmi?'ning rasmi](https://api.darakchi.uz/media/news_preview/2024/07/27/IMG_20201005_234647_234-xl_8V986aJ.medium.webp)