“Darakchi” tahririyatiga mushtariylarning aloqa operatorlari haqidagi yuborgan e`tirozli savollariga O`zbekiston Respublikasi Axborot texnologiyalari va kommunikasiyalarini rivojlantirish vazirining birinchi o`rinbosari A.Fayzullaev javob berdi.
- Mobil aloqa operatorlari tomonidan ko`rsatilayotgan xizmatlar sifati monitoringi O`zbekiston Respublikasi Axborot texnologiyalari va kommunikasiyalarini rivojlantirish vazirligi tizimidagi Aloqa axborotlashtirish va telekommunikasiya texnologiyalari sohasida nazorat bo`yicha davlat inspeksiyasi tomonidan RH 45 039:2014 "Mobil aloqa tarmoqlari.
Xizmat sifati ko`rsatkichlari uchun belgilangan normalar va ularni o`lchov sinovidan o`tkazish metodikasi" normativ hujjati asosida olib boriladi va nazoratga olinadi. Mobil aloqa xizmatlarini ko`rsatish sifati ko`rsatkichlarini buzganliklari uchun 2015 yil 27 noyabrda "UNITEL" MChJ va "COSCOM" MChJning mansabdor shaxslariga nisbatan O`zbekiston Respublikasi Ma`muriy javobgarlik kodeksiga asosan ma`muriy jazo choralari qo`llanildi.
