Toshkent Dushanbe shahrining iltimosiga javob berdi va COVID-19 kasallarini qabul qilish markazini qurishga tayyorligini bildirdi, deya yozmoqda Asia-Plus nashri.
Yangi muassasa Xatlon viloyatining Kubodiyon tumanida, O`zbekiston bunyod etayotgan tibbiy markaz negizida quriladi.
"Uning jihozlari qo`shni davlat tomonidan «O`zbekneftgaz»ning mablag`lari hisobidan amalga oshiriladi", degan Tojikiston hukumatidagi manba.
O`zbekiston qurish va jihozlashni rejalashtirgan COVID-19 bemorlarini qabul qilish-tarqatish markazining bugungi kunda Tojikistonda o`xshashlari yo`q, deyiladi xabarda.
Bu erda o`rnatiladigan uskunalar odamda koronavirus infeksiyasi borligini tezda aniqlashga imkon beradi, so`ngra aniqlangan COVID-19 kasallarini zudlik bilan viloyat va poytaxt shifoxonalariga malakali yordam olish uchun yuboradi.
Kubodiyonda modernizasiya qilingan tibbiyot majmuasi qurilishi O`zbekiston tomonidan 2018 yilning ikkinchi yarmida boshlangan va quruvchilarning rejalariga binoan u shu yilning bahoriga qadar bemorlarni qabul qilishga tayyor bo`ladi.
Markaz qurilishi - bu 2018 yil mart oyida O`zbekiston Prezidenti Shavkat Mirziyoevning Dushanbega tashrifi davomida ma`qullangan o`zbek hukumatining loyihalaridan biridir.
Bundan tashqari, kelishuvlar doirasida, O`zbekistonning moliyalashtirishi hisobiga, So`g`dning Spitamen tumanida 630 o`quvchiga mo`ljallangan yangi maktab 2020 yil sentyabr oyida foydalanishga topshirildi.
Bunga javoban Tojikiston hukumati Samarqandda 640 o`quvchiga mo`ljallangan maktab va Farg`ona viloyatida bolalar bog`chasi qurishini e`lon qildi. Tegishli buyruq Tojikiston prezidenti Emomali Rahmon tomonidan 2018 yil mart oyida imzolangan, deyiladi xabarda.