Markaziy bank qoshida Kiberxavfsizlik markazi tashkil etiladi. Bu haqda AOKAdagi brifingda Markaziy bank raisi o`rinbosari Bekzod Hamroev ma`lum qildi:
«2020 yilda 127 trln so`m kredit ajratilgan. Joriy yilda bank kreditlari sifatini oshirish vazifasi belgilandi.
Iqtisodiyotda bizda dollarlashuv darajasi yuqori, qariyb 50% atrofida. 2021 yilda kreditlar bo`yicha dollarlashuv 45% ga tushirish vazifasi qo`yildi.
2021 yilda valyuta bozorida yangicha onlayn platforma joriy qilish, tadbirkorlar va yuridik shaxslar uchun banklarda valyuta oldi-sotdisini osonlashtirish rejalashtirilmoqda.
Markaziy bank qoshida moliya sohasidagi Kiberxavfsizlik markazi tashkil etiladi».
