Ijtimoiy tarmoqda "Buxoroda avtobus yonib ketdi" sarlavhasi ostida video tarqaldi. Holat yuzasidan O`zbekiston Respublikasi IIV YHXBB Axborot xizmati ma`lumot berdi.
Dastlabki ma`lumotlarga ko`ra, joriy yilning 17 yanvar kuni soat 09:30larda, Buxoro viloyati, Buxoro tumanida joylashgan "Jondor" avtoturargohining oxirgi bekatida, 76-yo`nalishda harakatlanuvchi, haydovchi, 1962 yilda tug`ilgan Z.O. boshqaruvidagi "Isuzu" rusumli avtobusda yong`in sodir bo`lgan.
Yong`in natijasida tan jarohati olganlar yo`q. Yong`in o`t o`chiruvchilar tomonidan bartaraf etilgan. Avtobusning ayrim qismlari yong`indan zararlangan.
Mazkur hodisa yuzasidan Buxoro tumani IIB YHXB va FVB tomonidan surishtiruv ishlari olib borilib, yong`in sodir bo`lish sabablariga aniqlik kiritilmoqda.
