O`zbekiston milliy teleradiokompaniyasi telekanallari orqali 2021/2022 yilgi mavsumdan boshlab Evropaning eng tomoshabop sport turnirlari translyasiya qilinadi.
«Sport» telekanali direktori Zohid Karimovning tvitterdagi sahifasida ma`lum qilishicha, yangi mavsumdan boshlab Evropa Chempionlar ligasi, Evropa ligasi va yana uchta turnirni O`zbekiston hududida TV-translyasiya qilish huquqini MTRK qo`lga kiritgan.
«O`zbekiston MTRK futbol bo`yicha UEFA Chempionlar Ligasi, Evropa Ligasi, Konferensiyalar ligasi, Superkubok, o`smirlar ligasi musobaqalarining mamlakatimizda ko`rsatish huquqini oldi. Endi dunyoning eng ko`p ko`riladigan turnirlari Sport telekanalida namoyish etiladi», - deya yozgan «Sport» TV direktori tvitterdagi sahifasida.
Ta`kidlash joizki, so`nggi yillarda klublar o`rtasida Evropaning eng nufuzli turnirlari sanalmish EChL va Evropa ligasi o`yinlarini namoyish etish huquqi «UzReportTV» va «FutbolTV» kanallarida edi.
