Muddatidan oldin pasport olish yoki almashtirish mumkinmi? Umuman, qonunchiligimizda fuqarolik pasportining berilish tartiblari qanday?
Ramilya Sagatova, Angren shahri
Savolga O`zbekiston Respublikasi Ichki Ishlar vazirligi XChK va FRB boshlig`i Badriddin ShORIXSIEV javob beradi:
Quyidagi hollarda pasport rasmiylashtiriladi va beriladi:
• Shaxs 16 yoshga to`lganda;
• 16 yoshga to`lmagan shaxs O`zbekiston Respublikasidan tashqariga chiqayotganida;
• Farzand xorijga tug`ilganida;
• O`zbekiston Respublikasi fuqaroligi olinganida;
• Pasportning amal qilish muddati tugaganida;
• Familiyasi, ismi, otasining ismi, millati, tug`ilgan sanasi o`zgarganida;
• Yozuvlarda noaniqliklar va xatolar mavjudligi aniqlanganida;
• Ro`yxatga olish, ro`yxatdan chiqarish, alohida ma`lumotlaryoki vizalar uchun mo`ljallangan betlar ishlatilib bo`linganida;
• Pasport blankasi yaroqsiz holga kelganida;
• Pasport yo`qotib qo`yilganida.
Pasport egasining familiyasi, ismi, otasining ismi, millati, tug`ilgan sanasi o`zgarganligi yoki yozuvlarda noaniqliklar mavjudligi aniqlanganligi munosabati bilan almashtirilayotganida, fuqaro ma`lumotlarni yig`ish punkitiga ushbu holatlarni tasdiqlovchi hujjatlarni taqdim etadi.
Agar fuqaro O`zbekiston Respublikasidan tashqariga chiqayotganida pasportning amal qilish muddati bir yildan kamroq vaqni tashkil etsa, ushbu hujjat almashtirilishi mumkin.
