Holat bugun, 24 iyul kuni soat 12:28da Toshkent viloyatida sodir bo`lgan. Favqulodda vaziyatlar boshqarmasiga Ohangaron tumani Markaziy qo`rg`on MFY hududidagi “Bioekohimoya” xususiy korxonasiga qarashli ochiq maydonda yong`in bo`layotgani haqida xabar kelib tushadi.
FVVning xabar berishicha, uni bartaraf etishga 4 ta yong`in-qutqaruv bo`linmasi, 32 nafar harbiy xizmatchi hamda ko`ngilli fuqarolar jalb etilgan. Birinchi bo`linma chaqirilgan manzilga soat 12:40da etib borib, yong`in 16:30 da qurshab olinib, soat 17:20 da to`liq bartaraf etildgan.
Hodisa oqibatida tan jarohati olgan va halok bo`lganlar yo`q. Yong`in davrida ochiq maydonda quruq o`t va shox-shabba yongan. Yong`inning taxminiy sababi ochiq olovdan foydalanishdagi ehtiyotsizlik deb hisoblanmoqda.
Hozirda ko`rilgan moddiy zarar miqdori aniqlanmoqda.
