O`zbekiston Respublikasi Prezidenti Shavkat Mirziyoev 28 avgust kuni Evropa kengashi Prezidenti Sharl Mishel bilan telefon orqali muloqot qildi.
Suhbat avvalida Evrokengash Prezidenti davlatimiz rahbari va O`zbekiston xalqini mamlakatimiz mustaqilligining 30 yilligi bilan samimiy muborakbod etib, tinchlik-osoyishtalik, farovonlik va ravnaq tiladi. Respublikamizda amalga oshirilayotgan demokratik yangilanishlar va ijtimoiy-iqtisodiy islohotlar qat`iy qo`llab-quvvatlanayotgani ta`kidlandi.
Ko`p qirrali O`zbekiston-Evroittifoq hamkorligining dolzarb masalalari ko`rib chiqildi.
O`zbekistonga “Preferensiyalar bosh tizimi plyus” benefisiari maqomi taqdim etilgani ikki tomonlama savdo-iqtisodiy aloqalarni rivojlantirish, o`zaro savdo hajmini oshirish va EI mamlakatlarining etakchi kompaniyalari ishtirokidagi investisiya loyihalarini ilgari surishga, shuningdek, moliyaviy-texnik ko`mak dasturini kengaytirishga xizmat qilishi mamnuniyat bilan qayd etildi.
Bo`lajak oliy darajadagi sammitning kun tartibini ishlab chiqish, shu jumladan Kengaytirilgan sheriklik va hamkorlik to`g`risidagi bitimni tuzishga tayyorgarlik ko`rish masalalariga alohida e`tibor qaratildi.
Afg`onistondagi ahvolning keskinlashishi ta`sirida mintaqadagi vaziyatning rivojlanishi yuzasidan ham fikr almashildi. Evrokengash Prezidenti fuqarolarni evakuasiya qilish bo`yicha insonparvarlik operasiyalarini o`tkazishda ko`rsatilayotgan amaliy ko`mak uchun O`zbekiston etakchisiga samimiy minnatdorlik bildirdi.
Bundan tashqari, joriy yil iyul oyida Toshkent shahrida o`tgan Markaziy va Janubiy Osiyoning o`zaro bog`liqligi masalalari bo`yicha xalqaro konferensiya hamda avgust oyi boshida Turkmanistonda o`tgan mintaqamiz davlatlari rahbarlari uchinchi Maslahat uchrashuvining samarali natijalari yuksak baholandi.
21.10.2022, 13:45
Turkmanistonga rasmiy tashrif doirasida O`zbekiston Prezidenti Shavkat Mirziyoev ushbu mamlakat Parlamentining yuqori palatasi raisi Gurbanguli Berdimuhamedov bilan uchrashdi, deya xabar bermoqda Prexident matbuot xizmati. Davlatimiz rahbari...13.10.2022, 11:20
O`zbekiston Prezidenti Shavkat Mirziyoev Ostona shahrida bo`lib o`tayotgan Osiyoda hamkorlik va ishonch choralari bo`yicha kengash VI sammitida nutq so`zladi. O`zbekiston rahbari Afg`onistondagi vaziyatni hal etish va...29.08.2022, 11:46
Avval xabar qilganimizdek, Bugun Prezident Shavkat Mirziyoev Urganch shahrida buyuk sarkarda va davlat arbobi Jaloliddin Manguberdi haykalining tantanali ochilish marosimida ishtirok etish uchun Xorazm viloyatiga...17.08.2022, 16:42
Saudiya Arabistoni Podshohi Salmon bin Abdulaziz Ol Saudning taklifiga binoan ushbu mamlakatga borgan O`zbekiston Respublikasi Prezidenti Shavkat Mirziyoev tashrifni Madinai munavvara ziyoratidan boshladi. O`zbekiston rahbari Madina...