Ўзбекистон Республикаси Президенти Шавкат Мирзиёев 28 август куни Европа кенгаши Президенти Шарль Мишель билан телефон орқали мулоқот қилди.
Суҳбат аввалида Еврокенгаш Президенти давлатимиз раҳбари ва Ўзбекистон халқини мамлакатимиз мустақиллигининг 30 йиллиги билан самимий муборакбод этиб, тинчлик-осойишталик, фаровонлик ва равнақ тилади. Республикамизда амалга оширилаётган демократик янгиланишлар ва ижтимоий-иқтисодий ислоҳотлар қатъий қўллаб-қувватланаётгани таъкидланди.
Кўп қиррали Ўзбекистон-Евроиттифоқ ҳамкорлигининг долзарб масалалари кўриб чиқилди.
Ўзбекистонга “Преференциялар бош тизими плюс” бенефициари мақоми тақдим этилгани икки томонлама савдо-иқтисодий алоқаларни ривожлантириш, ўзаро савдо ҳажмини ошириш ва ЕИ мамлакатларининг етакчи компаниялари иштирокидаги инвестиция лойиҳаларини илгари суришга, шунингдек, молиявий-техник кўмак дастурини кенгайтиришга хизмат қилиши мамнуният билан қайд этилди.
Бўлажак олий даражадаги саммитнинг кун тартибини ишлаб чиқиш, шу жумладан Кенгайтирилган шериклик ва ҳамкорлик тўғрисидаги битимни тузишга тайёргарлик кўриш масалаларига алоҳида эътибор қаратилди.
Афғонистондаги аҳволнинг кескинлашиши таъсирида минтақадаги вазиятнинг ривожланиши юзасидан ҳам фикр алмашилди. Еврокенгаш Президенти фуқароларни эвакуация қилиш бўйича инсонпарварлик операцияларини ўтказишда кўрсатилаётган амалий кўмак учун Ўзбекистон етакчисига самимий миннатдорлик билдирди.
Бундан ташқари, жорий йил июль ойида Тошкент шаҳрида ўтган Марказий ва Жанубий Осиёнинг ўзаро боғлиқлиги масалалари бўйича халқаро конференция ҳамда август ойи бошида Туркманистонда ўтган минтақамиз давлатлари раҳбарлари учинчи Маслаҳат учрашувининг самарали натижалари юксак баҳоланди.
21.10.2022, 13:45
Туркманистонга расмий ташриф доирасида Ўзбекистон Президенти Шавкат Мирзиёев ушбу мамлакат Парламентининг юқори палатаси раиси Гурбангули Бердимуҳамедов билан учрашди, дея хабар бермоқда Прехидент матбуот хизмати. Давлатимиз раҳбари...
13.10.2022, 11:20
Ўзбекистон Президенти Шавкат Мирзиёев Остона шаҳрида бўлиб ўтаётган Осиёда ҳамкорлик ва ишонч чоралари бўйича кенгаш VI саммитида нутқ сўзлади. Ўзбекистон раҳбари Афғонистондаги вазиятни ҳал этиш ва...
29.08.2022, 11:46
Аввал хабар қилганимиздек, Бугун Президент Шавкат Мирзиёев Урганч шаҳрида буюк саркарда ва давлат арбоби Жалолиддин Мангуберди ҳайкалининг тантанали очилиш маросимида иштирок этиш учун Хоразм вилоятига...
17.08.2022, 16:42
Саудия Арабистони Подшоҳи Салмон бин Абдулазиз Ол Сауднинг таклифига биноан ушбу мамлакатга борган Ўзбекистон Республикаси Президенти Шавкат Мирзиёев ташрифни Мадинаи мунаввара зиёратидан бошлади. Ўзбекистон раҳбари Мадина...
