Islomoboddan Londonga uchayotgan British airways samolyoti bortidagi yo`lovchilarning biri vafot etgani sababli Toshkent aeroportiga majburiy qo`nishni amalga oshirdi.
Xabarda bu haqda Toshkent aeroporti xodimi RIA Novostiga ma`lum qilgani aytiladi.
“British airways aviakompaniyasiga qarashli Boeing-777 Pokiston poytaxti Islomoboddan Londonga parvoz qilayotgan paytda yo`lovchilarning biri vafot etgan, natijada havo kemasi Toshkent aeroportiga qo`nishga majbur bo`ldi", - degan aeroport xodimi agentlikka.
Uning ta`kidlashicha, yo`lovchi ayolning o`limiga dastlabki sabab sifatida yurak xuruji aytilmoqda. Biroq marhuma qaysi mamlakat fuqarosi ekani aytilmadi. Ayni paytda mazkur reys yo`lovchilari Toshkent aeroporti terminallarining birida turibdi va parvozni davom ettirishni kutmoqda.
