Bolgariyaning Sliven shahrida koronavirusga chalingan bemorlar shifoxonasida yong`in kelib chiqqan. Bu haqda TASS xabar berdi.
Qayd etilishicha, yuzaga kelgan yong`in oqibatida uch kishi, jumladan, 66, 70 va 81 yoshli keksa kishilar halok bo`lgan. Yong`inga bemorlardan birining tamaki qoldig`ini o`chirmagani sabab bo`lgani taxmin qilinmoqda.
Aniqlanishicha, voqea kasalxonaning to`rtinchi qavatdagi palatada sodir bo`lgan. Palatada bo`lgan qolgan bemorlar evakuasiya qilingan. Voqea joyiga ikkita o`t o`chiruvchi mashina etib kelgan.
