Toshkent viloyati Ohangaron tumani “Qiziloy” mahalla fuqarolar yig`ini hududida "Toshkent conch cement" MChJ tomonidan sement ishlab chiqarish loyihasi amalga oshirilmoqda.
Mazkur loyiha asosida qurilayotgan yangi sement zavodiga tamal toshi qo`yildi. Tadbirda xitoylik hamkorlar, tuman hokimi Abdurasul Abdullaev, tuman prokurori, 2-sektor rahbari Iqboljon Qambarov, quruvchilar, hudud faollari ishtirok etdi.
Sement ishlab chiqarish zavodi qurilishi uchun 34,2 gektar er maydoni ajratilgan. Loyihaning umumiy qiymati 200 million dollarni tashkil etadi. Bu erda 400 ta yangi ish o`rni yaratiladi.
Korxona yiliga 2,5 million tonna sement ishlab chiqarish quvvatiga ega. Tashabbuskorning xorijiy hamkori Xitoy davlatining «Anhui Conch Group Co.Ltd” korxonasi tomonidan 16,7 million dollar miqdorida to`g`ridan-to`g`ri xorijiy investisiya jalb etildi. Buning natijasida 40 dan ortiq maxsus texnikalar va asbob-uskunalar olib kelindi. Korxonani 2023 yilning birinchi yarim yilligida ishga tushirish rejalashtirilgan.
Xorijiy hamkor – “CONCH” korporasiyasining 500 dan ortiq sho``ba korxonalari mavjud bo`lib, xususan, Indoneziya, Laos, Myanma, Kambodja va O`zbekiston kabi 20 ta xorijiy mamlakatlarda faoliyat olib boradi.
