Bu haqda O`zbekiston Respublikasi Bosh vaziri o`rinbosari va Hindistonning O`zbekistondagi Favqulodda va Muxtor elchisi Manish Prabhatlarning uchrashuvida ma`lum qilindi.
O`zbekiston investisiyalar va tashqi savdo vazirligining xabar berishicha, uchrashuvda savdo-iqtisodiy, madaniy-gumanitar sohalardagi hamkorlikka qaratilgan ikki tomonlama munosabatlarning kun tartibi ko`rib chiqilgan.
Shuningdek, qayd etilishicha, muloqot davomida moliyaviy-texnik hamkorlik sohasiga ham to`xtalib o`tilgan.
"Tomonlar Hindiston Eksimbanki tomonidan O`zbekistonda infratuzilmaviy rivojlanish va ta`lim sohalarida ustuvor loyihalarni amalga oshirishni moliyalashtirish uchun 448 mln. dollar miqdorida mablag`lar ajratilishini olqishlab, ushbu loyihalarni amalga joriy etish borasida birgalikda ishlashga kelishib oldilar",-deyiladi xabarda.
Shuningdek, Hindistonning grant mablag`larini jalb qilish hisobiga amalga oshirilishi rejalashtirilayotgan IT, sog`liqni saqlash va ta`lim sohalarida ijtimoiy yo`naltirilgan yangi istiqbolli loyihalarni ishlab chiqish bo`yicha ishlarni jadallashtirishga kelishilgan.
