Xitoy mahalliy nashrlarining xabar berishicha, rasmiylar Yanan shahri aholisiga koronavirus sababli uydan chiqmaslik tavsiyasi berilgan.
Aytish kerak, so`nggi oylarda Xitoyning ko`plab shaharlariga koronavirus “qaytdi”. Kasallanish soni kundan-kunga ortmoqda. Turli ommaviy tadbirlar bekor qilinmoqda. Kasallanishlar soni ortayotgan shaharlarda dizenfeksiya ishlari amalga oshirilmoqda. Xususan, shu kunga qadar Sian shahri to`liq dizenfeksiya qilingan edi. Shuningdek, Xitoyda kovidning “omikron” shtampi ham tez tarqalishda davom etmoqda. Jumladan, so`nggi kunlarda mamlakatda 209 ta koronavirus, 4ta “omikron” bilan bog`liq holatlar qayd etildi.
