Qozog`iston prezidenti Qosim-Jomard To`qaev o`lim jazosini bekor qilish to`g`risidagi qonun hujjatlariga o`zgartish va qo`shimchalar kiritish to`g`risidagi qonunni imzoladi.
Bu haqda mamlakat rahbarining matbuot xizmati xabar berdi, deb yozmoqda TASS.
Qayd etilishicha, o`zgartirishlar Fuqarolik va siyosiy huquqlar to`g`risidagi xalqaro paktning o`lim jazosini bekor qilishga qaratilgan Ikkinchi Fakultativ Protokoliga muvofiq ishlab chiqilgan. Qozog`iston ushbu protokolni 2021 yil yanvar oyida ratifikasiya qilgan.
Qonunchilikka kiritilgan o`zgartishlar respublika Jinoyat kodeksining barcha moddalaridan o`lim jazosini chiqarib tashlashni taklif qiladi. Shunday qilib, 47-modda "O`lim jazosi" istisno jazo sifatida butunlay chiqarib tashlandi.
Endi jinoyat kodeksida eng og`ir jazo umrbod qamoq jazosi bo`ladi.
