Iste`molchilar huquqlarini himoya qilish agentligining xabar berishicha, foydalanilmagan avia chiptalarni pulini qaytarish muammolari bugungi kunda ham dolzarbligicha qolmoqda. Ma`lum qilinishicha, pandemiya sababli bekor qilingan reyslar tufayli avia chipta pullarini qaytarish bo`yicha bildirilgan murojaatlar kelishi davom etmoqda.
Agentlikning Buxoro viloyati hududiy tuzilmasi “UZBEKISTAN AIRVAYS” AJdan “Buxoro-Moskva” aviakompaniyasidan ikki yil, aynan 2020 yilning aprel oyida uchta avia chipta sotib olgan fuqarolarning murojaatini ko`rib chiqdi.
Iste`molchilar o`z murojaatlarida 2 yil davomida sarflangan 4 mln 710 ming so`m pul mablag`larini qaytarib ololmaganliklari, “SHOXIJAHON TRAVEL” MChJ esa ularga keyingi parvoz uchun vaucherlar taklif qilganini bildirishgan.
Agentlikning hududiy tuzilmasi sa`y-harakati bilan mazkur muammo iste`molchi foydasiga hal etildi: aviakassa tomonidan 4 mln 710 ming so`m pul qaytarildi.
Ma`lumot o`rnida. Sotuvchi (ijrochi) iste`molchini haq evaziga qo`shimcha tovarlar sotib olishga yoki qo`shimcha xizmatlardan foydalanishga qistashga, shuningdek, ko`rsatilmagan xizmatlar uchun haq olishga haqli emasligi aniq ko`rsatib o`tilgan. (O`zbekiston Respublikasining Iste`molchilar huquqlarini himoya qilish to`g`risida”gi Qonuni 21-moddasi).
