Bu haqda Oliy Majlis Senati qarori normativ-huquqiy hujjatlar portaliga joylashtirildi.
Unga ko`ra, Samarqand shahri tarkibida Qorasuv, Sug`diyona, Siyob, Bog`ishamol, Maroqand tumanlarini tashkil qilinadi.
Oqdaryo, Past Darg`om, Samarqand, Toyloq tumanlari hamda Samarqand shahri ma`muriy-hududiy chegaralari o`zgaradi.
Qarorga ko`ra, quyidagi tumanlarning ma`lum bir hududi Samarqand shahri tarkibiga kiritiladi:
Oqdaryo tumanidan 1 654 gektar,
Samarqand tumanidan 12 975 gektar,
Pastdarg`om tumanidan 1 245 gektar,
Toyloq tumanidan 1 269 gektar er maydonlari Samarqand shahri tarkibiga qo`shiladi.
Samarqand shahridan 528 gektar,
Samarqand tumanidan 1370 gektar er maydonlari
Pastdarg`om tumani tarkibiga kiritiladi.
Toyloq tumani tarkibiga esa Samarqand tumani hududidan 29 283 gektar er maydoni o`tkaziladi.
Samarqand shahri tarkibida umumiy er maydoni 8 250 gektar bo`lgan Qorasuv tumani, umumiy er maydoni 3 741 gektar bo`lgan Sug`diyona tumani, umumiy er maydoni 4 846 gektar bo`lgan Siyob tumani, umumiy er maydoni 3 246 gektar bo`lgan Bog`ishamol tumani, umumiy er maydoni 8 333gektar bo`lgan Maroqand tumani tashkil etiladi.