Buyuk Britaniyada 27-yanvardan boshlab yopiq joylarda va transportda niqob taqish majburiy bo`lmaydi. Bu haqda euronews xabar tarqatmoqda.
Qayd etilishicha, ommaviy tadbirlar va tungi klublarda qatnashish uchun emlash sertifikatini taqdim etish shart emas. Ish beruvchilar esa o`z xodimlarini ofisga qaytarishlari mumkin .
"Ma`lumotlarga ko`ra, Angliyada infeksiya darajasi pasayib bormoqda. Maktablarda holatlar ko`payishi mumkin. Biroq olimlarimiz "omikron" o`zining eng yuqori cho`qqisiga chiqib bo`lganini ma`lum qilmoqda", - dedi Buyuk Britaniya bosh vaziri Boris Jonson.
