O`zbekiston elektr energiyasi ta`minoti va boshqa tarmoqlar ishini normallashtirish bo`yicha hozirda zarur chora-tadbirlar ko`rilmoqda.
Shuningdek, elektr ta`minotini tiklash ishlari bo`yicha davlat rahbariga muntazam axborot berib borilmoqda. Bu haqda Prezident matbuot kotibi xabar berdi.
Qayd etilishicha, avval aytib o`tilganidek, vaziyat shaxsan Prezidentimiz nazorati ostida.
Bundan tashqari, aholining hayotiy ehtiyojlarini ta`minlash bilan bog`liq barcha sohalar hamda huquq-tartibot idoralari kuchaytirilgan ish rejimiga o`tkazilgani aytiladi.
"Shu bilan birga, hozircha elektr ta`minoti tiklanmagan joylarda uy-joylarni yoritish va isitish moslamalaridan foydalanishda Favqulodda vaziyatlar vazirligining tavsiyalariga amal qilishingizni so`raymiz",-deyiladi xabarda.
