Ayni vaqtda Urganchdagi "Ishga marhamat" monomarkazida xorijda ishlash istagida bo`lgan fuqarolar uchun Rossiya Federasiyasining "SENKI" korxonasidagi bo`sh ish o`rinlari bo`yicha tanlov bo`lib o`tmoqda. Bu haqda Tashqi mehnat migrasiyasi agentligi xabar berdi.
Xabarda aytilishicha, qurilish sohasida mehnat faoliyatini amalga oshirish uchun fuqarolarni Rossiya Federasiyasiga ishga jalb qilish bo`yicha pilot loyihasi doirasida tashkil etilgan tanlovda nomzodlar kasbiy malaka va til bilish darajasiga ko`ra suhbat asosida ish beruvchi vakillari tomonidan tanlab olinmoqda.
