“Omikron”ning avvalgi shtammlardan yana bir farqi ham bo`lib, bu — bolalarda va homilador ayollarda ko`p qayd etilayotganidir. Ammo kasallikning kechuvi bu ikki toifada ham o`zaro farq qilayotganini ko`rish mumkin.
Amaliyotda homiladorlarda o`pka zararlanishi 5 foizga ham etmasa, bolalarda 60-70 foiz holatlarda pnevmoniya belgilari namoyon bo`lmoqda. Ayniqsa, 1 yoshgacha bo`lganlarda bu jarayon og`irroq kechyapti. Bu haqda SSV Matbuot xizmatining Zangiota 1-son yuqumli kasalliklar shifoxonasidan qilingan tayyorlangan reportajida ma`lum qilindi.
Muassasa direktori o`rinbosari Hilola AlimovaBolalarning ma`lum qilishicha, diareya belgilari ko`rinishi ham koronavirus yangi shtammining o`ziga xosliklaridan deyish mumkin.
"Zangiota 1-son yuqumli kasalliklar shifoxonasining reanimasiya bo`limida yotgan bemorlarning 90 foizi vaksina olmagan fuqarolar ekani ham xulosa qilish uchun etarli asos.
Xo`sh, qolgan 10 foizi-chi, axir, ular vaksina olgan edi-ku, desangiz, bu bemorlarning surunkali yondosh kasalliklari borligi ma`lum bo`ladi.
Shifoxonaga murojaat qilganlarning ham engil holatdagilari, asosan, koronavirusga qarshi vaksina olgan fuqarolar bo`lib, kasallik og`ir kechayotganlar emlanmagan aholi vakillari bo`lib chiqmoqda", - deyiladi ma`lumotda.
