Samarqand va Qashqadaryo viloyatlarini bog`lovchi “Taxtaqoracha” dovonida noqulay ob-havo sharoiti sababli avtotransport vositalarining harakati vaqtincha cheklangani borasida xabar bergan edik.
Qashqadaryo IIB ma`lum qilinishicha, “Taxtaqoracha” dovonida avtotransport vositalarining harakati tiklandi.
Muzlamalarni eritish uchun qum-tuz aralashmalari sepilib zaruriy choralar ko`rildi.
Ayni vaqtda dovon yo`lida avtotransport vositalari harakatiga ruxsat berildi.
"Haydovchilardan ehtiyotkor bo`lishlarini, ob-havo va yo`l sharoitini inobatga olib transport vositasini boshqarishlarini so`raymiz", - deyiladi xabarda.
