Prezident Shavkat Mirziyoev Sergeli tumani 300-maktab direktorini "O`zbekiston xalq o`qituvchisi" faxriy unvoni bilan taqdirlash to`g`risidagi farmonni imzoladi. Bu haqda Prezident Matbuot xizmati xabar bermoqda.
Farmonga ko`ra, Saidxodjaeva Nigora Ergashevna "O`zbekiston Respublikasi xalq o`qituvchisi" faxriy unvoni berildi.
Xalq ta`limi sohasidagi ko`p yillik samarali mehnati, yosh avlodni ezgu g`oyalar, milliy va umuminsoniy qadriyatlarga hurmat, jonajon Vatanimiz va xalqimizga muhabbat, sadoqat ruhida tarbiyalash, kelajagimiz egalari bo`lgan yoshlar qalbida ilm-fan va bilimga intilish, mehnatsevarlik va bag`rikenglik ko`nikmalarini shakllantirish va mustahkamlashga qo`shgan katta hissasi hamda ijtimoiy hayotdagi faol ishtiroki uchun taqdirlandi.
