Xitoy poytaxtida o`tkazilayotgan Olimpiya o`yinlarining to`rtinchi kuni ham ortda qoldi. Ma`lum qilganimizdek, ushbu kunda 10 ta medallar jamlanmasi o`ynaldi. Bu haqda O`zbekiston Milliy Olimpiya qo`mitasi matbuot xizmati xabar berdi.
Biroq umumiy hisobda Shvesiya termasi peshqadamlikni hamon saqlab turibdi. Skandinavlar hisobida 4 ta oltin, 1 tadan kumush va bronza medallari mavjud. Ikkinchi pog`onada Niderlandiya delegasiya (3-3-1) ketayotgan bo`lsa, mezbonlar germaniyalik sportchilar bilan 3 ta oltin va 2 ta kumush medallarini jamg`argancha uchinchi hamda to`rtinchi o`rinlarni bo`lishib turishibdi. Kuchli o`nlik quyidagicha:
Medallar jamg`arish (oltin – kumush – bronza – jami)
1. Shvesiya – 4-1-1 (6)
2. Niderlandiya – 3-3-1 (7)
3-4. Xitoy – 3-2-0 (5)
3-4. Germaniya – 3-2-0 (5)
5. Norvegiya – 3-1-4 (7)
6. Italiya – 2-4-1 (7)
7. Rossiya Olimpiya qo`mitasi – 2-3-5 (10)
8. Avstriya – 2-3-2 (7)
9. Sloveniya – 2-1-2 (5)
10. Fransiya – 1-4-0 (5)
