ESPN nashri jurnalisti Mark Ogden Abdulkodir Husanovning "Manchester Siti"daghi o'sishiga yuqori baho berdi. U X (Twitter) tarmog'ida yozishicha, Chempionlar ligasi 1/8 finalida Real Madridga qarshi bahs jamoa uchun og'ir kechgan bo'lsa-da, Husanov maydonda ajralib turgan.
Jurnalistga ko'ra, o'zbekistonlik futbolchi avval jamoaga kelganida ishonchsiz ko'ringan, ammo vaqt o'tishi bilan sezilarli darajada o'sishga erishgan.
Uchrashuvda Husanov to'liq 90 daqiqa harakat qildi va birinchi bo'lim so'ngida sariq kartochka oldi. "SofaScore" bahosiga ko'ra, u 7,2 ball to'pladi va bu ko'rsatkich Manchester Siti himoyachilari orasida eng yaxshilaridan biri bo'ldi.
Taqqoslash uchun, jamoaning boshqa himoyachilari ancha past baholandi: Nunes — 6,3, Diash — 6,5, Ait Nuri — 6,5, Ake — 6,5 va Gehi — 6,6 ball.
Qayd etilishicha, Husanovning Chempionlar ligasidagi ilk o'yini ham aynan "Real Madrid"ga qarshi bo'lgan. O'shanda ham "shaharliklar" 0:3 hisobida mag'lub bo'lib, musobaqani tark etgan edi.
Bu safar ham ikki o'yin natijasiga ko'ra "Manchester Siti" 1:5 hisobida "Real Madrid"ga yutqazib, turnir bilan xayrlashdi.
