Pekin-2022 qishki Olimpiya o`yinlarida beshinchi kun dasturidan o`rin olgan barcha medallar o`z egalarini topdi. Ahamiyatlisi, ushbu kun yakunida Germaniya umumjamoa hisobida etakchilikni qo`lga oldi.
Chang`i ikkikurashi hamda chana sportida qo`lga kiritilgan 2 ta oltin va 1 ta kumush medallari nemislarga barcha raqiblarni quvib o`tish uchun etarli bo`ldi. Ular hisobida endilikda 5 ta oltin va 3 ta kumush medallari mavjud. Ikkinchi va uchinchi o`rinda Norvegiya hamda Shvesiya jamoalari turishibdi. Shuningdek, bugungi bahslarda Slovakiya, AQSh, Koreya Respublikasi jamoalari ushbu Olimpiadadagi birinchi oltin medalini qo`lga kiritdi. Kuchli o`nlik:
Medallar jamg`arish (oltin – kumush – bronza – jami)
1. Germaniya – 5-3-0 (8)
2. Norvegiya – 4-2-4 (10)
3. Shvesiya – 4-1-2 (7)
4. Niderlandiya – 3-3-1 (7)
5. Xitoy – 3-2-0 (5)
6. Avstriya – 2-4-4 (10)
7. Italiya – 2-4-1 (7)
8. ROQ – 2-3-6 (11)
9. Sloveniya – 2-1-2 (5)
10. AQSh – 1-5-1 (7)
