Avvalroq Turkmaniston prezidenti Gurbanguli Berdimuhamedov o`z lavozimini yosh rahbarga topshirish niyatida ekani haqida xabar bergan edik.
“Interfaks” xabar berishicha, Turkmanistonda navbatdan tashqari prezidentlik saylovlari 12 mart kuni bo`lib o`tadi.
“Xalq kengashining 11-fevral, juma kuni bo`lib o`tgan yig`ilishida 15 yildan beri prezidentlik qilib kelayotgan Gurbanguli Berdimuhamedov o`z lavozimini yosh rahbarga topshirish niyatida ekanligini ma`lum qilgan”, - deyiladi xabarda.
“Xalq kengashi”ning navbatdan tashqari yig`ilishida so`zga chiqqan faxriy oqsoqollar prezident Berdimuhamedovning mamlakat rahbariyatiga yosh kadrlarni jalb etish bo`yicha qarorini qo`llab-quvvatladi.
Shundan so`ng u Respublika Markaziy saylov komissiyasiga navbatdan tashqari prezidentlik saylovlarini o`tkazishga tayyorgarlikni boshlash bo`yicha topshiriq bergan.
Ma`lumot uchun, prezident Gurbanguli Berdimuhamedov 2017 yil 12 fevralda bo`lib o`tgan saylovda davlat rahbari lavozimiga saylangan edi. Saylovchilarning 97,69 foizi Berdimuhamedovga ovoz bergan. Ushbu saylovda jami 3 million 163 ming 692 nafar saylovchi ishtirok etgan.
