Kinochilar uyida harbiylar va ularning oila a`zolari uchun “Afv” kinokartinasi namoyish etildi. Bu haqda Kinematografiya agentligi Axborot xizmati ma`lum qildi.
Film ssenariy muallifi Azamat Qorjovov, postanovkachi rejissyor Zilola Jo`raeva, operator Ilhom Hamidov, badiiy rahbar Said Muxtorov, prodyuserlar Munojot Xoshimova va Zilola Jo`raeva. Rollarni Matyoqub Matchonov, Begzod Muhammadkarimov, Seydulla Moldaxanov, Hamid Toshpo`latov va boshqalar ijro qilgan.
Namoyishda kinoijodkorlar ham ishtirok etishdi. So`ngra tomoshabinlar bilan film muhokamasi tashkil etildi.