Oilaviy psixologlar erkak va ayol o`rtasidagi munosabatlardagi inqirozni yillarga qarab ajratishadi: To`ydan keyingi 1-yil, 3-5,7, 13 vanihoyat 25-yil.
O`rtangizdagi munosabatlar risoladagidek bo`lishi uchun nimadir etishmayotgandek tuyulyaptimi? Balki, siz inqiroz davlaridan birining ostonasida turgandirsiz.
Munosabatlardagi birinchi inqiroz
Birinchi, ehtirosli sevgi o`tib ketadi hamda birga o`rganish va birga yashash davri keladi. Endi ko`zdagi pushtirang ko`zoynakni echish payti keldi. Bu paytda hayot ranglari birmuncha “oq-qoralashadi”: siz juftingizning kamchiliklarini ko`ra boshlaysiz, bir xillikdan charchab, zerika boshlaysiz. Bunday paytda siz birgalikda sayohatga chiqishingiz hamida birgalikdagi hayotingizni yanada chiroyliroq qilish haqida o`ylashingiz kerak.
Aslida esa bu hayotdagi eng ajoyib davrlardan biri va ko`pchilik juftliklar bu paytda hech qanday inqirozni sezmaydi.
Biroq birgalikdagi hayotning birinchi yilidan so`ng sizda inqiroz yuzaga kelgan bo`lsa, xavotirga o`rin yo`q. Munosabatlaringiz yangi bosqichga o`tmoqda.
To`ydan 3-5 yil o`tib boshlangan inqiroz
Sevishgan juftlik munosabatlarini qonunan rasmiylashtirib, er-xotin sifatida yashay boshlaydi. Oilada farzand tug`iladi. Bu bosqich er va xotin o`rtasidagi munosabatlarning eng murakkab davri.
Ayollarda kuzatiladigan tug`ruqdan keyingi depressiya, muntazam davom etadigan charchoq va etishmovchilik munosabatlarga sovuqchilik tushishiga olib keladi.
Statistika ma`lumotlariga ko`ra, ajrashishlarning aksariyat qismi mana shu davrda yuz berar ekan.
Sevgini saqlab qolish uchun er va xotin bir-birini qo`llab-quvvatlashi va bu kunlar tez orada o`tib ketishiga ishonish kerak.
Farzandingizning shirin kulgularidan zavqlaning, o`zingiz uchun ham etarli darajada vaqt ajrating. Bolalar—hayotingizning bir qismi, xolos. Asosiysi—siz va sevgingiz.
7 yillik turmushdagi muammolar
Birgalikda turmushning 7-yilida o`zaro munosabatlardagi muammolar er va xotinning bir-biridan ruhan charchashi natijasida yuzaga keladi.
Bir xillik joningizga tegadi, romantika haqida esa hech kim eslamaydi ham, jinsiy hayot esa o`z muhimligi va faolligini yo`qotadi...
Albatta, bunday hol 100 foiz hamma juftliklarda kuzatiladi, deb bo`lmaydi. Uzoq va baxtli oilaviy hayotning siri—hayotdagi arzimagan, kichik narsalardan zavqlanish va bir-biridan zerikishni ajrashish uchun chora deb bilmaslikda!
Nima bo`lgan taqdirda ham bir-biringizdan yuz o`girmang.Munosabatlardagi muammolarni birgalikda hal qilishga va sevgingizni asrab qolishga harakat qiling.
Turmush qurganingizga 13 yil bo`ldi
Bu davrda janjal va kelishmovchiliklar turli sabablarga ko`ra yuzaga keladi. Masalan, o`smir farzandingiz tarbiyasiga oid fikrlar qarama-qarshiligi yoki juftliklarning biriga yoqmayotgan, hayotda nimanidir o`zgartirish istagi.
Murosa qilish—oson ish emas, biroq buning iloji bor.
Munosabatlarni yaxshi tomonga o`zgartirishdan qo`rqmaslik kerak. O`zingizni yoshligi o`tib ketgan va allaqachon qarib qolgan xolalardek tutmang.
25 yillikdagi muammolar
Bir-b iri bilan 25 yildan beri birga yashab kelayotgan juftliklar o`rtasida qanday muammolar bo`lishi mumkin? Axir, sizni bog`lab turuvchi rishtalar judayam ko`p... frazandalringiz ancha ulg`ayib qolishdi,endi bemalol o`zingizga vaqt ajratishingiz, sevimli ishingiz bilan shug`ullanishingiz mumkin. Ammo, har doim ham bunday bo`lavermaydi. Farzandlar ulg`ayib, ota uyini tark etganidan so`ng, er va xotin mung`ayib, o`tgan damlarni qo`msab qolishadi. Mazkur davrni bemalol yashab o`tish uchun, ota-ona bunga o`zlarini tayyorlashni ancha avval boshlashi kerak. Kun kelib bolalar ulg`ayishi va ular ham o`z yo`lidan ketishini tabiiy holat sifatida qabul qilish kerak. Endi o`zingiz haqingizda o`ylash vaqti keldi.
Manba: Cosmo.ru
21.06.2017, 16:08
Xalqimga yordam kerak, uning dardlari ko`pTest sinovlarini muvaffaqiyatli topshirgan Ozod poytaxtdagi eng nufuzli tibbiyot instituti talabasiga aylandi. O`qishga yangi qabul qilinganlarni tabriklash marosimi hashamatli zalda...16.06.2017, 10:54
— Yoshim o`n beshda. Sinfdosh yigitim bilan bir-birimizga ko`ngil qo`yganmiz. Yaqinda onam bilib qolib, meni urishib berdi. Dadam ham bundan xabar topib, «U bolaga bermaymiz,...31.05.2017, 11:59
Ammo yigit mazkur voqeadan xafa bo`lmadi, aksincha shunday unutilmas kunda shunday voqea ro`y berganidan qalbi quvonchga to`ldi, deb xabar berdi Tjournal.ru nashri.Kanadaning Albert provinsiyasida yashovchi...04.05.2017, 14:31
«Erimni menchalik yaxshi biladigan inson yo`q» deysizmi? To`g`ri, qanday taomni yoqtirishi-yu, xarakteri, do`stlari yoxud qiziqishlaridan xabaringiz bor. Ammo uning reja, maqsad va o`ylari haqida nima...