Estradamizning yorqin yulduzi Ozoda Nursaidova vanihoyat uzoq kutilgan konsert dasturini muxlislariga havola etish arafasida. Darakchi.uz sayti ijodkorlari xonandaning konsert oldi tayyorgarlik jarayonlarida bo`ldi.
Ma`lum qilinishicha, yangilik va shov-shuvli lahzalarga boy bo`lishi kutilayotgan mazkur konsert dasturidan 14 ta yangi qo`shiq va bir nechta duetlar o`rin egallagan. Ozoda Nursaidova nashrimizga bergan intervyusi davomida konsertga bir necha kun qolishiga qaramasdan bloger Lil Xurramov bilan yuzaga kelgan mojarolarga ham oydinlik kiritib o`tdi.
"Men tabiatan ijodga juda mas`uliyat bilan qarayman",-deydi Nursaidova.
"Ular hali yosh, tez qizishib ketishadi. San`atga endi kirib kelishyapti. E`tibor bergan bo`lsangiz, men bu vaziyatda hech qanday fikr bildirmadim va sukut saqladim. Ozod yoshlik qilganini tushundi. Yonimga kelib, uzrini so`radi va munosabatlarimiz yana avvalgidek iziga tushib ketdi",-deydi xonanda.
