Ijtimoiy tarmoqlarda Zangiotada voyaga etmagan qiz zo`rlanganligi haqida videoyozuv tarqalmoqda. Unda voyaga etmagan qiz dugonasining uyiga basseynda cho`milish uchun borgani, u erda dugonasining otasi uni zo`rlagani va biror kimga aytsa, o`ldirib yuborish bilan qo`rqitgani haqida gapirib bergan.
Ayni paytda holat yuzasidan Bosh prokuratura matbuot xizmati munosabat bildirdi.
Ma`lum qilinishicha, mazkur holat yuzasidan 8 iyul kuni Jinoyat kodeksining 128-moddasi 1-qismi (O`n olti yoshga to`lmagan shaxs bilan jinsiy aloqa qilish) bilan jinoyat ishi qo`zg`atildi.
Zangiota tumani IIB TB tomonidan tergov harakatlari olib borilmoqda.
