Afg`oniston hududi bundan buyon O`zbekiston uchun xavf tug`dirmaydi — Amirxon Muttaki

Siyosat 26.07.2022, 10:44
Teglar: Afg`oniston
Afg`oniston hududi bundan buyon O`zbekiston uchun xavf tug`dirmaydi — Amirxon Muttaki

O`zbekiston Respublikasi Tashqi ishlar vaziri v.b. Vladimir Norov “Afg`oniston: xavfsizlik va iqtisodiy taraqqiyot” mavzusidagi Xalqaro konferensiyada ishtirok etish uchun O`zbekistonga tashrif buyurgan Afg`oniston tashqi ishlar vaziri v.b. Amirxon Muttaki bilan uchrashdi. Bu haqda TIV matbuot xizmati xabar bermoqda. 

Ma`lum qilinishicha, uchrashuvda Afg`oniston delegasiyasi Prezident Shavkat Mirziyoevning Afg`oniston bo`yicha Xalqaro konferensiya o`tkazish tashabbusi o`z vaqtida va zarur ekanligi, bo`lajak tadbir jahon hamjamiyatiga Afg`onistondagi vaziyat bo`yicha batafsil ma`lumot olish imkonini berishini ta`kidladi.

Afg`oniston mamlakatning eng yaqin va ishonchli sherigi bo`lgan va shunday bo`lib qolajak O`zbekiston bilan hamkorlikni davom ettirish va kengaytirish tarafdori ekanligi alohida ta`kidlandi.

A.Muttaki Afg`oniston hududi bundan buyon O`zbekiston va mintaqaning boshqa davlatlari uchun xavf tug`dirmasligini bildirdi.

Afg`oniston delegasiyasi rahbari O`zbekiston tomoniga Afg`onistonga Termiz shahridagi ko`p funksiyali transport-logistika xabi, shuningdek, energetika va infratuzilma loyihalarini amalga oshirish orqali ko`rsatilayotgan insonparvarlik yordami uchun samimiy minnatdorlik bildirdi.

V.Norov afg`on tomonini xalqaro hamjamiyatning asosiy talablarini tez fursatlarda bajarish, jumladan, keng vakillikka asoslangan hukumat tuzish, ayollar va milliy ozchiliklar huquqlariga rioya etish, qizlarning to`laqonli maktab ta`limi bilan ta`minlash bo`yicha samarali choralar ko`rishga chaqirdi.

 

Sharhlar

Hech kim urushning qayta boshlanishini va Afg`onistonning yakkalanishini istamaydi — BMT Bosh kotibining Afg`oniston bo`yicha maxsus vakili

26.07.2022, 10:57

Toshkentda bo`lib o`tayotgan “Afg`oniston: xavfsizlik va iqtisodiy taraqqiyot” mavzusidagi xalqaro konferensiyada BMT Bosh kotibining Afg`oniston bo`yicha maxsus vakili M.Potzel nutq so`zladi, deya xabar bermoqda "darakchi.uz"...
Toshkentda "Afg`oniston: xavfsizlik va iqtisodiy taraqqiyot" xalqaro konferensiyasi o`z ishini boshladi

26.07.2022, 09:50

Bugun, 26 iyul kuni  Toshkent shahridagi "Hilton" mehmonxonasida Prezidenti Shavkat Mirziyoev tashabbusi bilan “Afg`oniston: Xavfsizlik va iqtisodiy taraqqiyot” mavzusida xalqaro konferensiya o`z ishini boshladi. Tadbirda 100...
"Termez Cargo Centre"ga xalqaro transport-logistika xabi maqomi berildi

23.06.2022, 15:38

Prezident qaroriga muvofiq, BMT, boshqa xalqaro tashkilotlar va xorijiy davlatlar tomonidan Afg`oniston va boshqa davlatlarga gumanitar yordamning tizimli asosda, markazlashtirilgan va maqsadli etkazilishini ta`minlash maqsadida...
Afg`onistondagi zilzila qurbonlari soni mingdan oshib ketdi

23.06.2022, 11:30

Avval xabar qilganimizdek, Afg`oniston sharqida kuchli zilzila yuz berdi va uning kuchi O`zbekistonda ham sezilgan. Dastlabki ma`lumotlarda 300 nafarga yaqin odam halok bo`lgani aytilgan edi. Ayni...