Farg`onada daraxtlar ommaviy qirg`in qilinmoqda, deya yozmoqda deputat Rasul Kusherbaev.
Deputatga kelgan murojaatga ko`ra, Farg`ona viloyati, O`zbekiston tumani, Qir ketmon mahallasida qimmatbaho daraxtlar ommaviy qirg`in qilinmoqda.
"Elektrchilar kesib tashlayapti. Keyin muammo bo`lishini bilib, bir odam o`ldi shunga kesayapmiz, deb o`tvolishdi. Biroq hech kim o`lmagan. Kessa shohlarini kesmaydimi, bular butun daraxtlarni kesib tashlagan. Prezidentimiz chiqargan moratoiyni kuchi nima bo`ldi: bu yoqda davlat xodimlari o`lari istagancha daraxt kesib yotishibdi. Essiz shuncha yillik daraxtlar. Videoda ham ko`rsa bo`ladi, hammasi sog`lom daraxtlar. Iltimos shaxsim sir qolsin, bo`lmasam bosim qilishadi", - deya murojaatchi so`zalrini keltirmoqda Kusherbaev.
Shundan so`ng, holatga rasmiylar izoh bergan. Ma`lum qilinishicha, O`zbekiston tumani "Qirqketmon" MFY hududida elektr tarmoqlari xodimlari tomonidan daraxtlar ruxsatsiz, noqonuniy kesilayotgan vaqtida ekoqo`mita xodimlari tomonidan to`xtatilib, qolgan daraxtlar saqlab qolingan ekan.
Ekologiya qo`mitasi matbuot xizmatining bildirishicha, 48 tup sosna, 9 tup shumtol va 30 tupdan ortiq mevali daraxtlar kesilishi natijasida 856 500 000 so`m miqdorida tabiatga zazar etkazilgan bo`lib, to`plangan hujjatlar chora ko`rish uchun Farg`ona viloyat prokuraturasiga yuborilgan.
Eslatib o`tamiz sal avval, Toshkentda 99 tup daraxtning ildizi qurilish sabab shikastlangani haqida xabar qilingan. Shundan so`ng, Ortiqxo`jaev zarar etkazilgan daraxtlar uchun poytaxt aholisidan uzr so`radi. Holat yuzasidan Bosh prokuratura tomonidan tekshirish o`tkazilmoqda.
