YouTube`da O`zbekiston tashqi ishlar vazirligining rasmiy kanali ochildi. Bu haqda vazirlik matbuot xizmati xabar bermoqda.
«O`ylaymizki, TIVning rasmiy veb-sayti hamda Facebook’dagi sahifasi o`quvchilari endilikda YouTube’dagi kanalimiz orqali mamlakatimiz rahbariyatining tashqi va ichki siyosati, O`zbekiston va uning diqqatga sazovor joylari to`g`risida nafaqat matnli yangiliklar, balki foto va videoma`lumotlar bilan ham yanada yaqindan tanishishlari mumkin», — deyiladi xabarnomada.
